Sızanaq Necə Keçər?

SIZANAQ NİYƏ YARANIR?

Üzümüzdə və bədənimizdə sebum ifraz edən yağ vəziləri mövcuddur. Bu yağ vəziləri, ovuc içləri və ayaq altlarımız istisna olmaqla, məsamələrin içərisində yerləşir. Dəri hüceyrələri yenilənərkən daim böyüdüyündən dərinin üzərində ölü hüceyrələrin tökülməsi gözlənilir. Ancaq bəzən ölü hüceyrələr tökülmür, məsamələrin içərisində qalaraq sebumla birləşir və məsamələri tıxayır. Tıxanmış məsamələr isə sızanaq olaraq həyatımıza daxil olur. Təbii ki, sızanaq yaranmasında rol oynayan bir çox digər amili də unutmaq olmaz. Geyindiyimiz paltarların bədəni tamamilə sıxması və ya idmandan sonra dərhal duş qəbul edə bilməmək kimi gündəlik həyatda diqqətimizi çəkməyən, amma əhəmiyyətli faktorlar da mövcuddur.

HORMONLAR

Bədəndə baş verən hormonal dəyişikliklər yağ vəzilərinin daha aktiv işləməsinə səbəb olur.

MÖVSÜMİ DƏYİŞİKLİKLƏR 

Yay və yay aylarındakı istilik və rütubət dərinin yağ istehsalını artırır. Qış aylarında isə soyuq hava dərini qurudur, buna qarşı dəri də özünü qoruma rejiminə keçərək bunun qarşısını almağa çalışır və daha çox yağ istehsal etməyə başlayır.

GÜNƏŞ ŞÜALARI 

Günəş dərimizi qurudur. Dərimiz də bunu tarazlamaq üçün daha çox yağ istehsal etməyə başlayır.

STRES 

Bədəndə baş verən hormonal dəyişikliklər yağ vəzilərinin daha aktiv işləməsinə səbəb olur.

YANLIŞ MƏHSUL İSTİFADƏSİ 

Əgər dəriniz sızanağa meyillidirsə, istifadə etdiyiniz məhsulun mütləq dəri tipinizə uyğun olması vacibdir. Sızanaqları qurudarkən dərinin nəmlik səviyyəsini qorumaq önəmlidir. Dərini nəmləndirmədən qurudan məhsullar həddindən artıq quruluğa qarşı dərinin yağ balansını qorumaq üçün daha çox yağ istehsal etməsinə səbəb olur.

SIZANAQLARDAN QURTULMAQ ÜÇÜN

Üz bölgəsində, omba, bel və ayaq arxalarında yaranan bu sızanaqları qurudaraq azaltmaq mümkündür. Bunun üçün ən vacib məqam gigiyenadır. Dərinin təmiz olması, üz bölgəsinin makiyajdan və çirklərdən təmizlənməsi; bədən üçün isə geyilən alt paltarlarının və paltarların, mümkün olduqca, dərinin nəfəs almasına maneə olmayan pambıq parçadan olması üstünlük verilməlidir.

DƏRİ TƏMİZLİYİ

Dərinizi səhər-axşam ölü hüceyrələrdən, gün ərzində yığılan çirklərdən və artıq yağ təbəqəsindən təmizləməli və bunu vərdiş halına gətirməlisiniz. Çünki sızanaq və aknelərdən qurtulmağın ən əsas qaydası dəri təmizliyidir. Salisilik turşu və ya çay ağacı tərkibli məhsullara üstünlük verməlisiniz. Çay Ağacı Tərkibli Təmizləyici Tonik artıq yağı təmizləyərək dərinin təmizlənməsinə kömək edir. Gün ərzində də toniklə artıq yağı silə bilərsiniz. Sızanaqlı dəridə pilinq edərkən və ya dərini təmizləyərkən sərt fırça və ya liflərdən uzaq durmalısınız. Yumşaq bir bez və ya əllərinizlə dərini incitmədən nazikcə təmizləyin. Dərinizi ovxalamadan, sadəcə yüngül təzyiq edərək dəsmalla qurulayın. Bədən üçün də eyni qaydalar keçərlidir. Səhər-axşam ilıq su ilə dərini çox ovxalamadan qəbul edilən duş dəri təmizliyində mühüm rol oynayacaq. Çay ağacı, salisilik turşu və benzoyl peroxide tərkibli Çay Ağacı Tərkibli Təmizləyici Bədən Geli və təmizləyicilərdən istifadə etməyə üstünlük verin.

NƏMLƏNDİRİN

Gündüz dərinizi Çay Ağacı Tərkibli Nəmləndirici Krem ilə nəmləndirin; gecə isə Çay Ağacı Tərkibli Təmizləyici Gecə Maskası ilə həm nəmləndirin, həm də ləkə görünüşünü azaldın. "Yağlı dərini niyə nəmləndirim?" deyə düşünə bilərsiniz. Amma krem tərkiblərinin, xüsusilə gecə hüceyrələr yenilənərkən təsir etdiyini unutmayın. Dəri sızanaqlı və ya aknəli olsa belə, nəmləndirilməyə ehtiyacı vardır.

GÜNƏŞ KREMİ

Daim günəşə məruz qalırsınızsa, yüngül və nəmləndirici quruluşa sahib, dəridə qalıq buraxmayan Skin Defence Qoruyucu Günəş Kremi seçin. Çünki bir çox günəş kreminin məsamələri tıxayıcı təsiri ola bilər.

MAKİYAJ

Tonal krem seçimində yüngül formulalı və təbii tərkibli məhsullara üstünlük verə bilərsiniz. Makiyaj məhsulları seçərkən məsamələrin tıxanmasına səbəb olmayan məhsulları seçin. Eyni zamanda, tərkibində olan təbii yağlar sayəsində makiyaj edərkən dəri baxımı rutininizi davam etdirin.​

SAÇ BAXIM MƏHSULLARININ TƏSİRİ

İstifadə etdiyiniz şampun, saç kremi, maska və ya gel kimi məhsullar dərinizə təmas etdikdə məsamələri tıxayıcı təsir göstərə bilər. Buna görə də, saç dərinizə canlılıq qazandırmaq və onu təmizləmək üçün Çay Ağacı Tərkibli təmizləyici, Tarazlayıcı Saç və Saç Dərisi Pilinqi istifadə edin. Duşdan sonra dərinizi və bədəninizi yenidən yaxalayaraq tamamilə təmizlədiyinizə əmin olun.

Sızanaqlı görünməyə meyilli dərilərdə istifadə edə biləcəyiniz ən təbii və təsirli tərkib çay ağacı yağıdır. Çay ağacı yağının; sızanaq və dəri ləkələri üzərində müsbət təsiri olduğu kliniki olaraq sübut edilmişdir. Aparılan bəzi tədqiqatlar çay ağacı yağının benzoyl peroxide qədər dəri üzərində təsirli olduğunu ortaya qoymuşdur. Avstraliyada Aborigenlər çay ağacı bitkisindən min illərdir qulluq ritualında təbii şəkildə istifadə edirlər. Kiçik bir qeyd olaraq əlavə edək ki, çay ağacı yağının əldə edildiyi ağac yaşıl və ya qara çay bitkiləri deyildir. Əslində bu ağacın Çay Ağacı, yəni Tea Tree adlandırılmasının səbəbi İngilis dənizçisi və səyyahı Kapitan Ceyms Kukun dəniz səfərləri zamanı, gəmi heyətinin bu ağacın yarpaqları ilə çay dəmləməsidir. Bu səbəbdən də adının Çay Ağacı olaraq qaldığı məlumdur.

Çay ağacı yağını təmizlənmiş dərinizə bir pambıq vasitəsilə ləkələrinizin üzərinə tətbiq edin. Hər səhər və hər axşam təkrarlayın. Mütəmadi istifadə etdikdən sonra hamar bir görünüm müşahidə olunur. Dəri üzərində müsbət təsiri kliniki olaraq sübut edilmiş çay ağacı matlaşdırıcı krem, çay ağacı məhlulu, çay ağacı üz yuma geli, ləkələrə qarşı losyon və seriyanın digər məhsulları ilə qulluğunuzu dəstəkləyin. Çay ağacının faydaları haqqında daha çox məlumat almaq istəyirsinizsə və seriyanın digər məhsullarını incələmək üçün 'Çay Ağacı Seriyasi' yazımızı ziyarət edə bilərsiniz.